DAVAO CITY – Nanawagan ang Criminal Investigation Detection Group (CIDG) Regional Field Unit 11 ngadto sa publiko nga padayon nga makiglambigit sa ilang buhatan ug uban pang law enforcement unit sa higayon nga adunay mamatikdan nga kadudahan nga lihok sa palibot.
Tipik lamang kini human ang malampuson nga joint entrapment operations o Oplan Paglalansag Omega ug Oplan Salikop sa hiniusang puwersa sa Criminal Investigation Detection Group (CIDG) Regional Field Unit 11 ug mga personahe sa Davao City Field Unit, uban sa Buhangin Police Station kagahapon nga maog hinungdan sa pagkasikop sa upat ka mga miyembro sa Butanlog Criminal Group.
Kahinumduman nga wala na nakapalag ang mga suspek nga nasikop sa Barangay Indangan area nga nailang sila si Sario Tamay Butanlog, kinsa giingong lider sa grupo; Anthony Anib Corpus; ug si Alfie Tadiaman Doctor samtang si Victor Sales Panerio nasikop sa Barangay Sto. Nino area nga gihulagway nga mga security guards sa gasoline station ug Bamboo State Subdivision.
Una ng narkeober s ailang posisyon ang usa ka .9mm caliber pistol; usa ka magazine gikan sa 9mm pistol nga dunay kargada nga lima ka buhing bala; usa ka .38 caliber revolver nga way serial number dunay lima ka mga buhing bala; ug P1,000 nga marked money.
Samtang narekober kang Panerio ang usa ka .38 caliber revolver nga adunay upat ka mga buhing bala ug P500 marked money. Nalambigit ang mga nahisgutan sa usa ka “gun running” syndicate ug tigpamaligya og ilegal nga druga sa siyudad sa Davao ug mga kasikbit nga mga probinsiya. Una na sab nga gipasalig sa CIDG nga mas pahugtan pa nila ang paggukod sa mga naghupot ug loose firearms dili lamang dinhi sa siyudad kung dili lakip na sa mga kasikbit nga mga probinsiya.
