DAVAO CITY – Gikabalak-an nga hingpit nga mahugno ang multi-purpose building sa Barangay Sentro, Agdao gumikan sa paglapdos sa dagku nga mga balud dala sa habagat.
Gitataw ni Barangay Kapitan Rene Estorpe nga nabongkag na ang ilang repwrap niadtong Sabado ug gikabalak-an nga sunod nga hapakon sa dagko nga mga balud ang mismo nilang multi-purpose building.
Una na sab nga nasayran nga sa Barangay 23-C mokabat ngadto sa dese sais ka mga balay ang totally damage, samtang tulo ang partially damage human manga-igo sa dagko nga mga balud, diin nagubat ang pinoy-anan ni Kapitan Edmundo Altedio hinongdan nga hangyo niini sa kagamhanan nga ma-relocate na lamang sila.
Samtang sa Purok 7, Baarangay 23-C walo ka mga balay ang totally damage, ug traynta ka mga balay ang gikatala nga partially damage.
Gitataw ni Barangay Kapitan Wating Usman dosientos singkwenta ka mga pamilya ang naapektohan sa kusog nga mga pagbalud sa ilang barangay apan dili bout nga magpa-relocate.
