DAVAO CITY – Gibutyag sa Police Regional Office 11 nga nasikop sa gilusad sa drug buy bust operation ang usa ka bigtime drug personality diin nakuhaan kini ug P86,000 nga kantidad sa shabu.
Sumala pa kang PBGen Marcelo Morales, Regional Director sa Police Regional Office (PRO) 11 giila ang suspek nga si Calixto Molido Pasanting, lalaki, 44 anyos, canvasser, minyo, residente sa Malalu-an Compound, Kidapawan City.
Una ng gipahigayon ang drug operation sa Purok 5 B,Brgy. Mabuhay, Bansalan, Davao del Sur sa hiniusang elemento sa Bansalan Municipal Station, PIB-DSPPO ug PDEA- Davao del Sur.
Sumala pa kang Regional Director Morales, ang gilusad nga operasyon kabahin sa gipahugtan nga kampanya sa kapulisan batok sa mga high value targets (HVTs) ug illegal drug syndicates.
Nakuha sa posisyon niini ang usa ka gamay nga pakete sa shabu, usa ka dakong pakete sa shabu, usa ka P1,000 nga marked money ug usa sa ka unit sa motorsiklo.
Balhug karon ang suspetsado sa PDEA Davao del Sur, ug gikatakdang pasakahan ug kasong kalapasan sa Republic Act 9165 o Comprehensive Dangerous Drugs Act of 2002.
