DAVAO CITY – Dili tiaw nga kalipay ang gibati sa mga kanhi sakop sa rebeldeng grupo nga NPA human makasuroy nga libre sa Hong Kong.
Mismo ang Eastern Mindanao Command ug Presidential Management Staff (PMS) ang mifaciliatate sa all expense paid tour sa 89 ka mga former rebels sa Hong Kong gikan sa July 30 hangtod Agosto 2.
Kahinumduman nga ang nahisgutang pagbyahe sa Hong Kong gisaad ni Presidente Rodrigo Duterte atol sa Former Rebels Assembly niadtong Disyembre 21, 2017, sa Naval Station Felix Apolinario, Panacan, Davao City.
Ang nahisgutang mga kanhi rebelde nga kasamtangang mipailalom sa usa ka integration process ang naggikan sa lain-laing mga lugar sa Eastern Mindanao kansa misurender sa mga EMC unit.
Tumong sa pagpasuroy kanila sa mga historical places sa Hong Kong ang aron ipasinati kanila ang kinabuhi sa usa ka modernong kahimtang sa mga syudad ug hatagan sila usa ka labing maayo nga panan-aw sa ilang kinabuhi.
