DAVAO CITY – Walay nakitang foul play ang kapulisan sa kamatayon sa usaka 40 anyos nga construction worker nga naghikog sulod sa Southern Philippine Medical Center (SPMC).
Na-una nang naila ang biktima nga si Primitivo Daulong Jr, 40 anyos, ug nagpuyo sa St. Jude Buhangin ning dakbayan sa Dabaw.
Subay sa report, alas 3:30 sa kaadlawon kagahapong adlawa, nakurat na lamang ang usaka watcher sa kaubanang pasyente dihang nakita si Daulong nga nagbitay na sa gate, diin ang liog niini ang gihiktan ug ginisi-gisi nga panapton.
Nasayran nga si Daulong ang kasamtangang naka-confine sa isolation room sa Communicable Pavillom 1 sa SPMC human ma-diagnose nga nakasinati ug rabies encephalopathy.
Gikumpirma usab sa on-duty nurse sa SPMC nga kanunay na lamang nga mag-wild ang biktima ug mipakita ug dili kasarangan nga mga lihok.
Ang mga nasinatian sumala pa sa biktima mga timailhan sa late stage sa rabies disease human napa-akan sumala pa ug iro.
Kanunay usab sumala pang mosinggit si Daulong nga buot na niining magpakamatay.
Sanglit maka-takod ngadto sa laing mga tawo ang rabies virus nga mitakboy sa biktima, gipahiluna kini sa isolation room sa ospital human nagpakamatay.
