DAVAO CITY – Nahagbong sa lawum nga pangpang ang usa ka sports utility vehicle (SUV) samtang kini naglawig sa Kilometer 66, Brgy. Tuburan, Mawab, Davao de Oro pasado alas 9:00 kaganinang buntag.
Sa report sa Mawab Municipal Police Station giila ang mga biktima nga sila si Bryan Danila nga maoy drayber, asawa niining si Sheila Danila ug duha ka anak nga sila si Shejan Danila, 10 anyos ug Phon Danila, 8 anyos.
Sa inisyal nga imbestigasyon nasayran nga nawad-an matud pa ug kontrol ang drayber sa likoon nga bahin sa dalan ug mideretso sa pangpang nga gibanabanaang anaa sa 20 metros ang giladmon.
Swerteng walay nagrabehan sa nahisgutan nga aksidente, apan ang mga biktimang gipangdala gihapon sa Davao Regional Hospital sa dakbayan sa Tagum, lalawigan sa Davao del Norte.
