DAVAO CITY – Gi-andam na sa lokal nga panggamhanan ang ihatag nga hinabang alang sa mga nabiktima sa sunog pasado alas onse kagahapon sa udto sa Del Pilar St. R. Castillo Agdao ning dakbayan.
Kahinumduman nga anaa sa tulo ka mga panimalay ang gilamot sa kalayo nga nagbilin ug P300,000 nga danyos.
Hinuon wala na mikatag ang kalayo human nga paspas nga nakaresponde ang mga sakop sa kabomberohan. Sa ulahing imbestigasyon sa otoridad, nagsugod ang kalayo sa ikaduhang andanas sa panimalay ni Rolando de Gracia.
Base sa data, anaa sa duruha ka mga balay ang totally damage samtang tulo ang partially damage. Apektado sa sunog ang pito ka mga home owners, walo ka renters ug usa ka sharers.
Sumala pa kang Rolando, nadungog na lamang niya ang iyang mga silingan nga nagsinggitay apan wala na matud pa siya nahimo gumikan kay paspas ang pagkatag sa kalayo sanglit gama lamang kini sa light materials.
