DAVAO CITY – Balhug na sa bilanggo-an sa Sta. Ana Police Station ang usa ka driver nga nadakpan atol sa gilusad nga buy bust operation alas 11:55 kagabii. Gipahigayon ang buy bust operation sa Purok San Nicolas, Barangay Centro, Agdao, ning dakbayan.
Una ang naila ang suspek nga usa ka Vilmark Obeso Medelo, alyas Dodong, 28 anyos, ulitawo, driver, residente sa North San Juan, Zone 4, Barangay Sentro Agdao, ning dakbayan.
Nasakmit gikan sa dinakpan ang walo ka mga plastic sachet nga naundan sa gikatuohan nga shabu, ug usa ka sling bag, ug kinyentos ka pesos nga buy bust money.
Nasuta nga ang dinakpan mao ang tigpalusot sa illegal nga druga sa dapit sa Barangay Sentro Agdao.
Una nang gipailalum ang dinakpan sa watchlist sa kapolisan. Gibanabana nga mobalor ngadto sa singko mil ka pesos ang balor sa nakompiska nga shabu gikan sa dinakpan.
Kasong kalapasan sa Comprehensive Dangerous Drug Act of 2002 ang kasong atubangon sa dinakpan pinaagi sa summary inquest proceedings.
