DAVAO CITY – Gitubag sa Head Teacher Elenito Escalante sa Daniel R. Aguinaldo National High School (DRANHS) sa Matina Crossing, ning dakbayan sa Davao ang mulo sa usa ka ginikanan kalabot sa amotan sa homeroom nga P250 pesos.
Sumala pa kang Mr. Escalante nga nasabotan sa kadaghanan sa mga ginikanan ang nahisgutan nga amotan isip paagi sa mga ginikanan nga makatabang sa panginahanglan sa Daniel R. Aguinaldo National High School.
Gipasalamatan ni Escalante ang kadasig sa ginikanan nga mopadangat sa iyang mulo.
Hinoon sumala pa kang Escalante nga mas sab unta kung atol pa lamang sa meeting na padangat na sa ginikanan ang nahisgutan nga mulo aron nga kapangitaan ug sulbad.
Bahin sab sa pagpa-apil sa mga tinun-an sa pagpamintura hinongdan nga malangan ang pag-uli sa mga natungdan ngadto sa ilang pinoy-anan gipahayag ni Escalante nga sagad ang alang klase magsugod sa alas 7:30 sa buntag ug mabuhi-an kini sa alas 3:00 sa hapon.
Subay niini gihangyo sab ni Escalante ngadto sa mga ginikanan nga kung malangan man sa pag-uli ang ilang mga anak angay sab dayon nga mosusi ang mga ginikanan sa tulongha-an aron nga masuta ang tinuod nga hinongdan sa pagkalangan niini sa pag-uli.
