DAVAO CITY – Gipasalig sa Davao Police Regional Office nga gipatuman nila karon ang full alert status sa rehiyon human ang nahitabong pagpangatake sa Sulu.
Una ng gibutyag ni Brig. Gen. Marcelos Morales, the police regional director, nga gimandoan na niya ang tanan nga mga police commanders sa rehiyon nga istriktong ipatuman ang seguridad aron nga malikayan ang bisan unsa man nga diversionary attack sa mga teroristang grupo.
Gimandoan sab nila ang mga nanag-iya sa establisyemento nga magpatuman ug hugtanon nga mga paghiling kalakip na ang mga checkpoints sa siyudad ug munisipalidad.
Gipatuman na sab karon sa kapulisan ang deployment sa maximum number sa foot ug mobile patrols ilabi na sa mga dapit nga daghanan ug tawo.
Nakiglambigit na sab karon ang otoridad sa uban pang intelligence units, gawas pa sa pagpakiglambigit sa private security providers ug security managers aron nga mapalambo pa ang joint security protocols.
Una niini, hugtanon nga gikondena sa police regional director ang nahitabong pagpangatake sa mga terorista sa SuLu nga nakapatay ug walo ka tawo ug gika-angol sa laing 12 pa ka mga indibidwal.
