DAVAO CITY – Padayon ang panawagan karon sa kasundalohan ngadto sa mga buot mamahimong reservist nga moadto lamang sa ilang buhatan.
Tipik lamang kini human nga 18 ka mga professional ang mipailalom sa 15 days Reserve officers military orientation training nga gipahigayon sa Felix Apolinario Naval station.
Ang mga nahisgutan gilangkuban sa mga pari, nurses, huwes, abogado, doktor ug daghanan pa.
Susama lamang ug tumong ang mga nahisgutan sa pagpailalom sa training kini aron nga andam sila kung gikinahanglan na nga depensahan ang nasod.
Tungod niini, nanawagan si Col Rodolpo Gesim, director sa 6th AFP Reserve Center sa Eastern Mindanao command ngadto sa publiko nga unta mosalmot sa ilang ipahigayon nga training alang sa mga buot mamahimong reservist kini aron nga mas molig-on pa ang reserve force sa nasod.
