DAVAO CITY – Gipahimangnoan sa department of Social Welfare and Development (DSWD) ang publiko nga bugtong ang mga kabus nga senior citizens lamang ang kwalipikado nga makadawat ug social pension.
Sumala sa ahensiya, buot man nila nga ilakip ang tanan nga mga senior citizens apan limitado lamang sumala pa ang budget alang sa Social Pension for Indigent Senior Citizens (SPISC).
Gitino sa ahensiya nga base sa balaod ang mga kwalipikado lamang nga mga tigulan nga makadawat ug social pension mao kadtong mga luya, masakiton ug adunay kabilinggan sa panglawas.
Gimandoan sab sumala pa ang DSWD nga kinahanglan ang mga kwalipikado nga mga seniors wala pension gikan sa uban nga mga government agencies o permanent source of income o source of financial assistance/compensation aron masuportahan ang ilang mga panginahanglanon sama na lamang sa pension gikan sa Social Security System (SSS), Government Service Insurance System (GSIS), Philippine Veterans Affairs Office (PVAO), ug private insurance companies.
