DAVAO CITY – Daku ang posibilidad nga nakalapas na sa ethical standards sa Civil Service Commission (SEC) ang mga kawani sa kagamhanan nga nahilambigit sa mga illegal nga mga investment schemes dinhi sa rehiyon unse.
Gitataw ni DILG Eleven Director Alex Roldan nga daghanan nga mga empleyado sa local nga kagamhanan ang naga-atake na sa kagamhanan gumikan sa pagpasera sa mga pyramiding scheme.
Dugang pa ni Roldan nga duna siya’y mga nakuha nga mga posting sa social media nga gikan sa empleyado sa kagamhanan nga mamahimong magamit nga mga ebedensya ug kapasakaan ug kaso ang mga natungdan.
Hagit karon ni Roldan ngadto sa mga kawani sa kagamhanan nga kung wala kini maka-uyon sa pagpasera sa investment scheme mas labi maayo nga mo-resign na lamang kini sa ilang mga pwesto.
‘Ang mga empleyado sa pamahalaan are not supposed to joint any illegal activities. Kahit sa Civil Service Commission (CSC) ito’y nasa ethical standard. Ang nakakasama pa nito, dahil may mga empleyado ng pamahalaan na nagpopost ng anti-government statement dahil sa pagpapasara sa mga investment schemes.’ Wika ni DILG-11 Director Alex Roldan.
