DAVAO CITY – Gipasalig ni Police Brig. Gen. Marcelo Morales, director sa Police Regional Office (PRO) 11 nga bisan adunay mga investment companies sa Davao del Norte partikular na sa Tagum City ang nanirado o temporaryo nga gihunong ang ilang operasyon, subayon pa gihapon sa kapulisan ang mga status niini.
Laraw sa maong lakang nga masubay kung subli ba nga mibalik sa ilang operasyon ang mga nahisgutan ug sekreto nga gihimo ang ilang mga transaksiyon.
Kahinumduman nga sukad gipahigayon ang sunod-sunod nga operasyon sa mga nagkadaiyang law enforcement units gikan sa kaulohan, kadaghanan sa mga investment scams ang mi-undang sa ilang operasyon apan adunay migula nga mga impormasyon nga pipila niini ang sekreto nga nagpadayon sa ilang operasyon.
Sumala pang Morales nga kung aduna sumala pa silay masayran nga investment scams nga sekretong nag-operate mao kini ang subject sa ilang mosunod nga operasyon nga pangunahan sa gimugnang inter-agency Task Force nga gitahasan sa pagtutok sa illegal nga mga operasyon sa maong kompanya.
