DAVAO CITY – Bugtong 31 gikan sa 62 ka mga kandidato atol sa the 2019 Midterm Elections ang naka-comply sa Commission on Elections (Comelec) ug requirement atol sa deadline kagahapong adlawa sa pagduso sa Statements of Contributions and Expenditures (Soce).
Kalakip sumala pa niini ang 26 local council candidates ug Duterte siblings nga sila si Sara Duterte-Carpio (mayor), Sebastian “Baste” Duterte (vice mayor) ug Paolo “Pulong” Duterte (first district representative).
Sumala pa kang Comelec-Davao spokesperson Krishna Caballero sagad sa mga sayo nga miduso sa ilang Soce mao kadtong mga midaug nga kandidato.
Gitataw sab sa nahisgutan nga posibleng mosaka pa ang maong ihap ilabi na nga gilugwayan kini hangtud alas otso kagabii.
Dugang sa nahisgutan nga ang mga kandidato nga midaug, napildi ug na-disqualified mandato nga mosumite sa ilang rekisitos alang sa transparency.
Sa higayon sumala pa nga mapakyas ang kandidato sa pagsumite sa ilang Soce, hayan nga dili kini makalingkod sa iyang katungdanan. Samtang gitataw sab ni Caballero nga i-check una sa Comelec regional office ang Soce ayha nila kini padala sa central office alang sa auditing.
