DAVAO CITY – Nakadawat ug nagkadaiyang reaksiyon ang nahimong pahayag ni senator elect Francis Tolentino diin gisugyot niini nga dungagan ug star ang bandila sa Pilipinas.
Sumala kang Tolentino nga ang ika-upat nga bituon mosimbolo sa Benham Rise, usa ka isla nga nahimutang sa Amihanang-sidlakan sa nasod partikular na sa Pacific Ocean.
Gitataw sab sa senador nga ipadayon sa kagamhanan ang pag-claim sa isla ilabi na nga nakalatid sumala pa kini sa Treaty of Paris.
Hinuon ang sugyot sumala pa niya nga dungagan ang bituon sa bandila, kinahanglan pa nga mopailalom sa pipila ka mga konsultasyon gikan sa mga nagkadaiyang historical agencies lakip na sa National Historical Commission.
Samtang gibutyag sab sa opisyal nga kung molingkod na sa iyang sa katungdanan sa bulan sa Hulyo, usa sa iyang imonitor ang diplomatic actions sa gobyerno aron nga modaug sa territorial claim.
Padayon sab niya nga suportahan si Pangulong Duterte sa mga adbokasiya niini batok ginadili nga droga, korapsiyon, kriminalidad, kakabus ug suliran sa kalamidad.
