Opisyal sa PNP nakurat sa special lane alang sa mga pulis ug militar sa buhatan sa KAPA

DAVAO CITY – Bisan nga nakadungog na ang kadumalahan sa kapulisan nga adunay pipila sa ilang mga sakop ang naga-invest ug salapi sa mga investment schemes, nakurat pa gihapon si Police Col. Ferlo Silvio, director sa Davao del Norte Provincial Police Office human nga nakita mismo niini nga adunay lane nga gigahin sa kapulisan ug militar sa opisina sa Kabus Padatuon (Kapa) sa Tagum City.

Kahinumduman nga ang lane number 10 ang gigahin alang sa AFP/PNP samtang lane number 9 ang alang sa mga magtutudlo ug principal.

Imbestigahan na sab sumala pa sa opisyal ang mga kapulisan nga miyembro sa investment schemes samtang nakighinabi na sab siya sa han-ay sa militar aron masayran kung adunay pipila sa ilang mga sakop ang miyembro usab niini.