DAVAO CITY – Gipa-undang gilayon ni Police Regional Office (PRO) eleven Director Brig. Gen. Marcelo Morales ang operasyon sa Joggle Innovative Marketting human masuta nga wala pa sila’y permit alang sa pag-operate sa dakbayan.
Nasayran nga kagahapon mipahigayon ug openning ang investment company ug namatikdan nga pipila ka mga tawo pa lamang ang naglinya niini.
Mao kini ang ikaduha nga investment company nga mitinguha sa pagsulod sa dakbayan sa Davao human ang Rigene Marketting.
Nagadawat kini ug pinakagamay nga singko mil ka pesos nga pay-in ug gipasalig nga motubo ngadto sa baynte porsiento ang pagtubo niini sulod sa kwarenta y singko ka adlaw.
Gipasabot ni Janet Garcia, sa investment company nga duna pasila’y duha ka bulan nga observation period.
Naserhan ang kompan ya human masuta nga lisensya sa main office sa dakbayan sa Tagum ang bugtong gihoptan sa tag-iya.
