DAVAO CITY – Kasong kalapasan sa Anti-Drunk and Drug Driving Act of 2013 human nagpositibo sa Alcohol Breath Analyzer Test, ug Reckless Imprudence Resulting in Damage to Property and Physical Injury ang usa ka Marvin Alforque, human nga ang gimaneho niini nga pick-up midasmag ug midaro sa usa ka Taxi ug mga motorsiklo.
Kahinumduman nga samdon ang usa ka lalaki nga nagmotor ug ang iyang pasahero human nga ang ilang sakyanan ug lain pang tulo gidaro sa usa ka pick-up truck nga gimaneho sa Marvin Alforque, nga hubog sa Barangay Matina Pangi.
Migula sa imbestigasyon sa Talomo Police nga naka-inum ang driver sa sakyanan nga mibangga sa nahisgutan nga mga sakyanan.
Labihang gubaa sa likod nga bahin sa usa ka taxi nga gimaneho sa usa ka Alfredo Opiala nga nabanggaan sa usa ka pick-up sa Kilometer 5, Barangay Matina Pangi, ning dakbayan.
