DAVAO CITY – Nahukman nga makombikto ug ma-sentensiyahan ngadto sa tibuok kinabuhi nga pagka-priso ang usaka 71 anyos nga American national gumikan sa Human Trafficking ug Child Abuse, human ang 4 ka tuig.
Subay sa statement, gikombikto sa Regional Trial Court, Branch 33, Davao City presiding Judge Lope L. Calio, ang 71-year-old American national nga si George William Nolan, lumad nga taga Michigan, gumikan sa pagpang-molistiya sa usaka lalaki nga minor de edad.
Si Nolan ang na-sentensiyahan ug gikan sa 12 hangtud 20 ka tuig nga pagka-priso gumikan sa child abuse ug life imprisonment gumikan sa human trafficking.
Sa samang higayon, gimanduan usab si Nolan nga mobayad ug multa nga lima ka milyon ka pesos ug bayran ang complainant sa damages nga adunay kinatibuk-ang kantidad nga P375,000.
Kahinumduman niadtong 2015, gidakop si Nolan sa NBI ug sa DSWD human makadawat ug report nga sumala pa mihimo ug katahapan nga mga lihok kauban ang pipila ka mga minor de edad sulod sa iyang pinoy-anan sa Catalunan Grande.
Gibasura usab sa korte ang hangyo sa amerikano alang sa piyansa niini.
Sa karon si Nolan ang gibilanggo na sa Maa City jail, apan human ma-proseso ang iyang conviction , ibalhin siya ngadto sa Davao Penal Colony (Dapecol) sa Panabo City.
Gikanayong, serbisyuhan sa Amerikano ang iyang sentensiya dinhi sa Pilipinas ug human makompleto ang iyang sentensiya, i-deport siya pabalik sa ilang nasud.
