DAVAO CITY - Gikatakdang dalaon pabalik dinhi sa dakbayan sa Dabaw ugmang adlawa ang patay nga lawas ni kanhi House Speaker Prospero Boy Nograles. Sa karon gihaya ang patay nga lawas ni Nograles sa Chapel 1 Heritage Park, Fort Bonifacio sa Taguig City. Giduaw na usab ni Pangulong Rodrigo Duterte ang haya sa kanhi kongresista ug mipaabot og dakong pahasubo ngadto sa nabiling pamilya ni Nograles. Kahinumduman nga gikumpirma mismo ni Cabinet Secretary Karlo Nograles ang pagpanaw sa iyang amahan niadtong sabado sa gabii sa edad nga 71 anyos gumikan sa respiratory failure secondary to pneumonia. Mipadangat na usab ug pahasubo ngadto sa pamilya Nograles sila Davao City Mayor Sara Duterte Carpio ug kanhi Vice Mayor Paulo Pulong Duterte pila ka oras human gipahibalo ang kamatayon sa kanhi magbabalaud.
-- ADVERTISEMENT --

DAVAO CITY  –  Dagsa ang mga supporters ug mga higala ang miduaw sa haya ni kanhi House Speaker Prospero Boy Nograles nga gipahimutang sa Cosmopolitan Funeral Homes dinhi sa dakbayan. 

Gihandum sa mga supporters ang kamaayo sa namatay nga 71 anyos nga kanhi House Speaker nga  namaty gumikan sa failure of Respiratory System gumikan sa sakit nga Pneumonia.  

Mapasalamaton sab ang pamilyang Nograles sa pagduyog sa katawhang Dabawenyo sa ilang kasub-anan. 

Mipadangat niini nga pasalamat mao si Congressman Jerico ‘Koko’ Nograles. 

‘Thank you for those who express their condolences and shared the grief with us. My father give the best years of his life…’ Pagtin-aw ni Congressman Jerico ‘Koko’ Nograles.

-- ADVERTISEMENT --

RELATED ARTICLESMORE FROM AUTHOR