DAVAO CITY – Napamatud-an ang kaandam sa mga delegado ing-kaso adunay mahitabong linog samtang nia sila sa dakbayan sa dabaw alang sa Palarong Pambansa 2019.
Kini atol sa gipahigayon kaganinang buntag sa Davao City Disaster Risk Reduction and Management Office (CDRRMO) ang earthquake ug tsunami preparedness lecture ug drill sa tanang 26 ka mgabilleting quarters sa Palarong Pambansa 2019 delegation.
Gikanayon ni CDRRMO training director Lyndon Leovic Ancajas nga tumong sa simultaneous drill nga masulayan ang preparedness plans sa nagkadaiyang mga Palarong Pambansa delegations, ug aron usab ma-bansay ang mga partisipante sa gikinahanglang aksiyon atol sa linog sama na lamang sa “drop, cover and hold” technique.
Dugang pa ni Ancajas nga dugay nang gi-plano ang drill sa CDRRMO, ug natunong lamang human mahitabo ang kusog nga linog sa Pampanga ug Tacloban dili pa lamang dugay.
