DAVAO CITY – Bana nga gibulagan sa iyang asawa nadala sa balay tambalanan human unaya ug dunggab ang iyang tiyan. Kritikal ang kahimtang ug gidali nga gidala sa Southern Philippines Medical Center (SPMC) ang usa ka Tien Jesriel, residente sa Mahayahay, Hagonoy, Davao del Sur nga nahi-abot mga alas 4:00 ang takna kagahapon human niya unaya sa pagdunggab ang iyang kaugalingon.
Gisaysay sa inahan sa biktima nga nahimo sa iyang anak ang pagdunggab sa kaugalingon gumikan sa gihambin nga problemang personal.
Nasayran nga ang biktima gibiyaan sa iyang asawa nga mao’y hinongdan nga naputong kini ug nakahukom sa pagkutlo sa kaugalingon nga kinabuhi.
Nakahi-agum ang biktima ug samad dinunggaban sa iyang pusod nga bahin ug padayon pa nga gi-atiman sa mga doctor sa Southern Philippines Medical Center (SPMC).
