DAVAO CITY – Isip kabahin sa pagpatuman sa Commission on Election (Comelec) gun ban, nakakumpiska na ang Police Regional Office Davao (PRO 11) ug kinatibuk-ang 172 loose ug undocumented firearms ug nakasikop sab ug 142 ka mga indibidwal atol sa ilang operasyon sukad Enero 13 hangtud Abril 13 ning tuig kasamtangan.
Mismong si PRO 11 Regional Director Marcelo Morales nag-presenta sa ilang mga nakumpiska nga mga armas nga resulta sa 113 police operations.
Gawas sa mga armas, nafrekober sab ang 17 ka mga granada, 16 ka mga eksplosibo, 1,525 ammunition, ug 35 bladed o pointed weapons.
Gi-report sab sa kapulisan ang 20 ka mga indibidwal nga namatay gumikan sa encounter tali sa mga suspek ug kapulisan.
Sa mga violators nga nag-atubang ug kaso, nasikop ang mga nahisgutan gumikan sa gipatuman nga search warrants, checkpoint operations, drug busts, ug police response.
Laoman sumala pa nga mosaka ang ilang mga accomplishments gumikan sa nagpadayon nga Oplan Dabaw Kalinaw, gipahugtan nga Philippine National Police (PNP) Comelec checkpoint/chokepoint operations, police visibility, ug padayon nga focused police operations.
