DAVAO CITY – Nagdugang na karon ug body scanner ang pamunoan sa Davao City Overland Transport Terminal (DCOTT) alang sa mga pasahero nga molusod aron nga dali ang ipahigayon nga inspeksiyon.
Kahinumduman nga nangandam na karon ang DCOTT sa pagdagsa sa mga pasahero panahon sa semana santa diin gikan sa kapin 700 ngadto na sa usa ka 1,000 nga biyahe outbound matag adlaw, laoman nga mosaka kini ngadto sa 15 ngadto na 20 porsyento sa nahisgutan nga panahon.
Samtang gibutyag sab sa DCOTT nga sa biyernes Santo adunay biyahe ang bachelor express, rural transit ug Mindanao star apan walay biyahe ang Philtranco.
Samtang gibutyag sab ni City Transport and Traffic Management Office (CTTMO) head Dionesio Abude nga ilang ibalhin ang pedestrian lane sa atubangan nga bahin sa DCOTT sanglit kini sumala pa ang usa sa mga hinungdan nga maghuot ang mga sakyanan nga nagsubay sa nahisgutan nga dalan.
