DAVAO CITY – Gipasalig sa ahensiya sa Department of Social Welfare and Development Office (DSWD) ingon man sa Bureau of Fisheries and Aquatic Resources (BFAR) 11 nga adunay ihatag nga hinabang alang sa mga mag-uuma nga apektado karon sa dry spell sa Davao region.
Kahinumduman nga sa kasamtangan, mukabat na sa P1.5 bilyones ka pesos ang kinatibuk-ang natala nga kadaut sa pananom gumikan sa epekto sa hulaw.
Sumala pa kang Mercedita Jabagat, regional director sa DSWD 11 nga nakahatag na sila ug inisyal nga hinabang sa mga apektadong mag-uuma sa Davao oriental apan gipasalig niini nga mohatag sab sila ug assistance sa mga kasikbit nga lalawigan nga apektado sab sa hulaw.
Migahin sab sumala pa karon ang BFAR 11 ug P5 milyones ka pesos alang usab sa mga fish cage operators nga apektado usab sa grabeng kainit sa panahon.
