DAVAO CITY – Dakpan ang duha ka mga suspek nga nagapalusot ug illegal nga druga atol sa wala’y hunong nga operasyon sa kapolisan.
Naila ang mga dinakpan nga sila si Joma Comar, ug Hino Sulango Gabito, baynte sais anyos, pulos mga residente sa Purok 3 Pugita, Barangay J.P. Laurel, Panabo City.
Nasayran nga nasakmit gikan sa ilang posisyon ang daghanan nga mga pakete sa gikatahapan nga shabu.
Nasayran nga nadakpan ang duha atol sa gipahigayon nga buy-bust operation sa Purok Gemini, Lasang road, Barangay Lasang, ning dakbayan sa Davao human mitunol ug illegal nga druga ngadto sa poseur buyer human nga malampuson nga nangadakpan ang mga suspek, samtang ang mga nangasakmit nga mga drug parapernalia gipangdala sa Crime Lab aron nga masusi.
Ang mga dinakpan nabalhug na sa Sasa PNP ug nag-atubang sa kasong kalapasan sa Republic Act 9165 kon Comprehensive Dangerous Drug Act of 2002.
