DAVAO CITY – Gumikan sa mas taas nga ihap sa mga nurser nga mas gipili nga magtrabaho sa abroad gumikan sa ubos nga sweldo, gibutyag ni Special Assistant to the President Christopher Lawrence “Bong” Go nga plano niya nga dungagan ang salary sa mga nahisgutan ug himuon niya kini nga prayoridad.
Atol sa opisyal nga paglusad sa Malasakit Center sa Southern Phgilippines Medical Center kagahapong adlawa, gikanayon ni SAP Go nga kung mahatagan siya ug kahigayonan nga mohatag ug serbisyo sa kagamhanan, hatagan niya ug prayoridad ang pagdugang ug suweldo sa mga nurses.
Human sumala pa ang pagdugang ug suweldo sa mga law enforcers, una na sab nga nanawagan ang uban nga profession ngadto sa kagamhanan nga dungagan sab ang ilang suweldo partikular na ang nurses.
Nasayran nga ang mga nurse nga adunay Salary Grade 11 ang makadawat ug P20,754.
Samtang subli sab nga gibutyag sa nahisgutan nga plano ni Pangulong Rodrigo Duterte nga dungagan sab ang kompensasyon sa mga magtutudlo.
