DAVAO CITY – Gipasalig ni Police Chief Superintendent Marcelo C. Morales nga ipadayon niya ang maayong programa sa milabay nga liderato.
Kahinumduman nga gipili ang nahisgutan isip bag-ong regional director sa Police Regional Office in Davao Region (PRO 11) atol sa turnover of command ceremony kagahapong adlawa sa Camp Sergeant Quintin Merecido ning dakbayan sa Davao.
Matud pa kang Philippine National Police (PNP) chief Oscar Albayalde nga salig siya sa katakos ni Morales nga dumalaon ang PRO 11.
Nagtuo sab si Albayalde nga mahimo ni Morales ang iyang trabaho aron nga masigurong luwas ang rehiyon ug gukdon ang mga kriminal sa rehiyon.
Gitambagan ni Albayalde ang bag-ong gipahimutang nga regional director nga kinahanglan kanunay nag alerto ug dili mag-relax aron nga ma-address ang kahusay ug seguridad sa rehiyon.
Ang pagpili sa bag-ong commander gihimo sa oversight committee nga mi-apruba sa pagpili kang Morales human ang ebalwasyon sa iyang performance.
Gani gi-aprubahan sab ni Pangulong Duterte ang performance ni Morales dihang iya kining gi-presenta sa Pangulo.
Miyembro sumala pa si Morales sa Philippine Military Academy (PMA) ’87 ug lumad nga taga Sta. Rosa Laguna.
Nahimo sab kining deputy regional director for administration sa PRO 11 ug director sa PNP Maritime Group.
