DAVAO CITY – Nakapahimutang na ug pyansa nga P12 mil ka pesos si SPO1 Nelson Galvan nga nag-atubang ug kasong grieve threat subay sa reklamo sa iyang mga silingan sa Southville Maa, ning dakbayan sa Davao.
Sumala pa kang PCI Ronald Lao, hepe sa Talomo PNP nga posibling maka-angkon sa iyang temporary nga kagawasan si Galvan gumikan sa dose mil ka pesos nga pyansa nga iyang gipahimutang.
Samtang sa pikas nga bahin pursegido sab si Davao City Police Office (DCPO) Director Police Senior Supt. Alexander Tagum nga bout niini nga madetene ug mataktak sa ilang katungdanan si Galvan uban sa pagkanayon nga wala’y luna sa DCPO ang mga maoy ug abusado.
Pahimangno niya sa mga ginsakpan nga kung mahubog likayan nga mogamit ug armas aron nga dili mag-atubang ug kaso.
