DAVAO CITY – Gipasaka-an na ug kasong pagsupak sa Republic Act 9165 kung Comprehensive Dangerous Drug Act of 2002 ang usa ka Kay Christene Tabas, asawa sa usa ka Jeniel Tabas nga napatay human misukol sa mga sakop sa PDEA ug sa kapolisan atol sa gipahigayon nga drug buy bust operation.
Nasayran nga ang magtiayong Tabas ang target sa search warrant sa PDEA-11 sa ilang balay sa Quirino District Poblacion Padada, Davao del Sur.
Nasayran nga gipamusil ni Jeniel ang mga sakop sa PDEA mao nga napugos sa pagbalos ang mga ginsakpan sa PDEA.
Gisulayan pa sa pagdala sa Davao del Sur Provincial Hospital ang suspek apan gideklara nga patay na.
Mikabat ngadto sa 35 gramos nga shabu ang nabawi gikan sa magti-ayng Tabas.
Mikabat ngadto sa P525 mil ka pesos ang kantidad sa nabawi nga illegal nga druga gikan sa pinoy-anan sa magti-ayon.
