-- ADVERTISEMENT --
DAVAO CITY – Nagpabilin nga Miss X ang chop-chop lady nga nakaplagan sa Buhangin, ning dakbayan sa Davao ug padayon gihaya sa Angel Funeral Homes sa dalang Torres, ning siudad.
Sumala pa kang PCI Jack Leon Telcag, hepe sa Buhangin Police Station nga daghanan na nga mga pamilya ang misulay sa pag-ula sa biktima, apan pakyas nga mailhan kini isip mao ang ilang mga natigwala-an nga kabanay.
Sumala pa kang Telcag nga siya mismo ang nangunay sa pagkuyog sa mga kabanay aron sa pagseguro nga dili na masayop.
Kahinumduman nga una nang na-claim sa usa ka pamilya ang biktima, apan dihang nakita ang ilang natigwala-an nga kabanay sa Compostela Valley Province, giuli nila ang death certificate ug gipanghimakak nga ilang kabanay ang biktima.
