DAVAO CITY – Nagpadayon ang sobsob nga imbestigasyon sa Buhangin Police Station, ubos kang PCI Jack Leon Telcag ug sa Talomo Police Station ubos sab kang PCI Ronald Lao aron nga masulbad ang kamatayon sa usa ka Margie Albarico, 31 nga taga-Pangi, ning dakbayan sa Davao, kang kinsang putol-putol nga lawas nakaplagan sa itom nga garbage bag sa Buhangin ning dakjbayan sa Davao Dominggo sa kaadlawon.
Kalakip sa susihon sa kapolisan ang mga CCTV sa dapit diin nakaplagan ang chop-chop nga lawas sa biktima aron nga maila ang mga kriminal ug ang posibling crime scene diin gipatay ang biktima.
Nagtuo ang kapolisan nga gihugasan ang mga body parts niini hinongdan nga halos wala na’y dugo ang patay nga lawas niini sa dihang nakaplagan.
Usa ka special child ang biktima nga pipila ka adlaw na nga wala maka-uli ug kagahapon sa dihang gikabalita sa Bombo Radyo Davao ang nakaplagan nga chop-chop nga patay nga lawas sa Buhangin, ang nahimong giya sa pamilya aron nga makaplagan ang patay nga lawas niini.
Nasayran nga dili na ipa-autopsy sa pamilya ang patay nga lawas sa biktima.
