DAVAO CITY – Gibarugan sa mga Law Enforcement Agencies sama sa Taskforce Davao, PNP ug Land Transportation Office kun LTO XI nga gihimo lamang nila ang ilang trabaho partikular na ang pagpatuman ug hugtanon nga seguridad sa gimontar nga mga checkpoint pasulod dinhi sa dakbayan sa Davao region.
Tipik lamang kini human nga nagpasibaw sa ilang kadismaya ang mga sakop sa progresibong grupo kini gumikan kay gibabagan ug wala sila gitugtan nga makasulod sa siyudad aron nga makighiusa sa mga aktibidad nga dungan sa State of the Nation Address kun SONA ni Pangulong Rodrigo Duterte kagahapong adlawa.
Una ng gibutyag ni Taskforce Davao Deputy Commander Col. Randolf Cabangbang, nga adunay mga kalapasan nga nahimo ang mga progresibong grupo hinungdan nga ila kining gibabagan sama na lamang sa pag-overload ug sakay sa mga dump truck bisan nga dili kini angayan nga sakyan ug daghanang tawo aron nga malikay sa disgrasya.
Gitino sab sa otoridad nga dili lamang mga progresibong grupo ang ilang gipangbabagan kung dili lakip na usab ang uban pang mga sakyanan nga mo-agi sa checkpoint kini aron nga mapabilin ang seguridad sa dakbayan.
