DAVAO CITY – Nangayo ug dugang pagsabot ang City Transport and Traffic Management Office (CTTMO), lakip na ang City Engineers Office gumikan sa posibleng pagbug-at sa dagan sa Trapeko sa CM Recto St., ning dakbayan sa Davao sugod niining adlawa.
Kini human nga gisugdan na sa Davao Light and Power Company (DLPC), lakip na sa Telecommunications Companies (Telcos), ug uban pa nga mga utility companies sa pagpatuman sa phase II sa underground cabling sa nag-una nga kadalanan sa dakbayan subay sa City Ordenance 0152-17 sa milabay nga tuig nga nag-oblega sa mga utilities ug mga telecommunication companies ug DLPC sa paglubong sa ilang mga cable wires sa downtown area.
Pamultahon ug hangtud sa singko mil ka pesos ang mga telecommunication companies nga dili motamod sa nahisgutan nga kamandu-an.
