DAVAO CITY – Nasuta nga nanglugos sab ug laing batan-on nga babaye sa Sasa ang suspek nga usa James Barreta Narte, 35 anyos nga residente sa Purok 10, Libby Road, Bago Gallera, ning dakbayan sa Davao.
Nasayran kang Police Chief Inspector Ronald Lao, hepe sa Talomo Police Station nga midangop sa Talomo Police Station human ikabalita ang kalabot sa gihimong pagpanglugos sa suspek sa biktima nga usa ka Rea Manila, 16 anyos.
Gisaysay sa biktima nga Mayo 19 alas 12:00 sa tungang gabii, nahitabo ang paglugos kaniya.
Nasayran sa imbestigasyon nga ang bag-ong complainant unang milayas sa ilang pinoy-anan gumikan kay gikasab-an hinongdan nga misuroy sa dalang Illustre ug gikatagbo ang suspek nga mao ang midala kaniya sa kasagbotan nga bahin sa Sasa.
Gitataw ni Lao nga gi-endorso nila sa Sasa Police ang bag-ong complainant aron nga makapasaka ug kaso batok sa suspek.
