DAVAO CITY – Gilauman nga molungtad pa ug dugay ang mga nadiskobrehan nga baynte singko ka matang sa mga langgam nga nadikobrehan sa Shrine Hills, ning dakbayan. Mismong ang mga environmentalist ang mipahigayon ug bird watching sa nahisgutan nga bukid.
Kalakip niini ang Philippine Eagle Foundation, mga photographer, ug Datu Bago Awardee Norma Javillana.
Agi ug pagsaulog kini sa Philippine Environment Month ug sa Philippine Eagle Conservation Week.
Gilauman sa mga environmentalist nga mamahimong tourist destination ang Shrine Hills gumikan sa mga langgam nga abunda sa dapit, kung dili matukoran ug subdivision.
Nasayran sa hobbyist nga si Pete Singson magpabilin sa Shrine Hills ang mga langgam kung dili maputol ang dagku nga mga puno-an sa kahoy.
Una nang gidasig ni Javillana ang mga residente nga motabang sa pagpreserba sa kina-iyahan, labi na nga gideklara ang lugar isip usa ka urban ecological enhancement sub-zone.
