DAVAO CITY – Nangayo ug konsiderasyon ang Commission On Elections (Comelec) ngadto sa mga magtutudlo nga wala pa makadawat sa cash cards sa pag-serbesyo niini sa Barangay ug SK Elections.
Nasayran gikan kang Atty. Omar Samama, tigpamaba sa Comelec Davao nga nalangan ang pag-issue sa cash cards gumikan kay dun ay kalibot kalabot sa singko porsiento nga withholding tax.
Saysay pa ni Samama nga mi-apela ang Alliance of Concerned Teachers (ACT) Partly-List nga dili sila kaltasan ug buhis, duna gihapo’y mga sakop sa electoral boards ang wala mahilakip sa exemption.
Gipasabot ni Samama nga bisan ug mi-aproba ug tax exemption ang BIR, apang lamang sa mga dunay tinuig nga kita nga dili molapas sa P250 mil ka pesos.
Dugang pa ni Samama nga nakalangan sab sa pag-release sa cash card ang gidaghanon sa mga magtutudlo nga nagsilbi isip Board of Election Inspectors sa dakbayan sa Davao.
Gipasalig ni Samama nga madawat sa mga magtutudlo ang ilang honoraria sa Mayo 29 o sa dili pa mo-abot ang nahisgutan nga petsa.
Subay sa kamandu-an sa Comelec nga pagpagula sa bayad sa serbisyo sa mga magtutudlo sulo sa kinse ka adlaw human sa election.
