DAVAO CITY – Gisubay pa karon sa mga sakop sa Bureau of fire Protection (BFP) 11 kung unsa ang hinungdan sa nahitabong sunog sa Brgy. Pag-asa Bankerohan pasado alas kwatro kagahapon sa hapon.
Matud pa kang Fire Inspector Exequel Tabon nga mukabat sa 31 ka mga istraktura ang nasunog nga gilangkuban sa 20 ka mga stalls sa mga gulay, kakanin ug bugas; 10 ka mga pinuy-anan ug usa ka boarding house.
Bisan tuod nga gi-angkon sa usa ka Abdul Majid Aladil sa ilang pinuy-anan nagsugod ang kalayo, dili sumala pa niini mabutyag kung unsa ang tinubdan sa sunog sanglit wala sumala pay tawo sa ilang panimalay partikular na sa ikaduhang andanas.
Sa kasamtangan dili ma pabutyag sa BFP 11 kung adunay kamatuoran nga ang napasagdan nga niluto ang tinubdan sa sunog.
Gibutyag sab sa opisyal nga mukabat sumala pa sa kapin kun kulang P500,000 ang damyos sa nahisgutan nga sunog ug wala silay natalan nga adunay casualty sa maong insidente.
Nanawagan na lamang si Fire Inspector Tabon sa publiko nga kanunay magbinantayon ug dili pasagdan ang mga niluto.
Kung mohawa sumala pa sa balay, kinahanglan sab nga pangtantangon ang mga gipangsaksakan nga appliances ug palungon sab ang mga gipangsindihan nga mga kandila nga sagad maoy hinungdan usab sa pag-ulbo sa sunog.
