DAVAO CITY – Mibalibad sa paghatag ug pahayag ang Integrated Bar of the Philippines Davao City (IBP-Davao) kalabot sa report nga ang head of the Commission on Elections (Comelec) Davao Region miluwat ug dili maayong pahayag batok sa usa ka professor sa Ateneo de Davao University (Addu).
Kahinumduman nga nabutang kontrobersiya si Comelec-Davao regional director Remlane Tambuang human nga gibaharan sumala pa niini si Dean Reynante Pilapil ug Assistant Dean Nelly Limbadan sa Addu School of Arts and Sciences duruha ka semana na ang milabay. Apan ang maong alegasyon ang hugtanon nga gipanghimakak ni Tambuang.
Matud pa kang IBP-Davao City Chapter president Rogelio Largo nga ang mga miyembro sumala pa sa ilang buhatan ang dili tugutan nga mohatag ug pahayag kalabot sa maong insidente tali kang Tambuang ug sa magtutudlo.
Girespeto matud pa nila ang katungod sa mga tawo nga nalambigit sa maong isyu nga mapadayag ang ilang tagsa-tagsa nga bahin.
Kung aduna sumala pay iduso nga reklamo sa IBP, ila sumala pa kini nga lihukon pinasikad sa ilang polisiya sa paghupot ug mga reklamo batok sa usa ka abogado.
Una ng gibutyag sa Addu nga plano nilang moduso ug reklamo batok kang Tambuang gumikan sa gihimo niining pagbahad sa mga professors nga mihatag ug bagsak nga grado sa iyang anak.
