DAVAO CITY – Balhug karon ang duruha ka lalaki human nga ilang gitulis ang usa ka 80 anyos nga lola ug gipatay sab nila ang biktima.
Naila ang mga dinakpan nga sila si Danilo Planca ug Reynante Labrador hamtong ang pangidaron.
Sa imbestigasyon nga gipahigayon sa Digos PNP, gisulod sa mga suspek ang pinuy-anan sa biktima nga si alyas Felicicima, residente sa Brgy. Zone 3 Digos ug gikuha sa mga nahisgutan ang salapi ug kapin usa ka milyon nga kantidad sa mga alahas.
Wala pa nakontento ang mga nahisgutan ug ila pang gipatay ang biktima.
Nasikop ang mga suspek human nga nangarkila lamang kini sa boarding house nga iya ni Felicicima diin narekober usab ang mga gipangkawat nga mga alahas.
Samtang pabilin pa sab karon nga gipangita sa otoridad ang usa pa ka kaubanan sa mga suspek nga si alyas doy.
Iduso na karong adlawa ang kasong robbery with homicide batok sa mga dinakpan.
