DAVAO CITY – Masaligon si PDEA XI Head Antonio Rivera nga maglisud sa pagsulod dinhi sa dakbayan sa dabaw ang mga party drugs.
Kini gumikan kay gawas nga mahal ang nahisgutang matang sa druga, minus usab ang mga dinagkong dance party sama sa Rave party dinhi sa syudad, mga free concert ug uban pang susamang kalingawan nga libreng ginapahigayon sa mga pampubliko o pribadong lugar.
Dugang pa ni Rivera nga seguradong malisdan sa pagpamalit sa nahisgutang party drugs ang mga yanong user sanglit nagkantidad sumala pa gikan 2,500 hangtud 3,500 pesos matag usaka tableta.
Subay sa monitoring sa PDEA XI wala pa silay nasayran nga adunay taga syudad sa Dabaw ang naga-gamitan sa nahisgutang party drugs. Alang sa PDEA head, daw kontento na ang mga dabawenyo sa pag-inum ug pag-vedioke matag panahon nga adunay mga party.
Na-unna nang gibutyag sa PDEA XI nga hugot ang ilang pag-monitor sa posibling pagsulod sa nahisgutang party drugs atol sa pagsaulog sa Araw ng Dabaw diin daghang mga kalingawan ang ginapahigayon nga abli sa publiko.
