DAVAO CITY – Usa-usahon sa Food and Drug Administration (FDA) Region 11 ang mga botika ug mga tindahan nga namaligya ug mga herbal medicines nga dili rehistrado sa ilang buhatan.
Na-una nang mipagawas ug listahan ang FDA sa mga unregistered food products ug food supplements.
Ang nahisgutang mga produkto mao ang mosunod Jacquilou’s Herbal Tea Malunggay Tea, Nurture Grace Extra Virgin Coconut Oil 350ml, Acne Care Lactoferrin with Linumlife Extra and Zinc, Gluconate Dietary Supplement, MS for Male Tablet, ug ang CL Pito-Pito Herbal Capsule.
Mipahimangno na usab si CHO head Dr. Josephine Villafuerte sa publiko nga mopalit lamang og mga food supplements nga rehistrado sa FDA ug mas maayong mokonsulta una sa doktor aron magiyahan sa haum nga food supplements alang sa lawas.
