Davao City – Gitutukan sumala pa karon pag-ayo sa kasamtangang administrasyon ang pagpalig-on pa sa kapulisan ug militar sa nasud.
Sa iyang pagpamulong atol sa inagurasyon sa usaka shooting range dinhi sa syudad, subling gipadayag ni pangulong Rodrigo Duterte ang iyang commitement aron mas palambuon pa ang armadong katakos sa Armed force of the Philippines (AFP) ug sa Philippine National Police (PNP) ug pangandaman ang mga hulga sa mosunod nga mga adlaw lakip na mga paghagit sa national security.
Subay sa nagapdayon modernization program sa kagamhanan, gibutyag ni pangulong Duterte nga gikatakdang makadawat ang nasud ug dul-an singko mil ka mga armas gikan sa usaka higalang nasud sa mosunod nga mga adlaw.
Sumala pa nini, tinguha sa kagamhanan nga mkakuha ug mga armas gikan sa mga nasud gawas sa US aron mamahimong sangkap ang militar ug kapulisan sa gikinahanglang mga armas aron mapungan ang bisan unsa man nga bahad sa terorismo sama sa Marawi siege.
Gipadayag usab sa pangulo ang posibilidad nga armasan ang mga military reservists ug ang mga graduates sa Reserve Officers’ Training Corps (ROTC) aron pakigbatukan ang terorismo.
