DAVAO CITY – Bisan nga mikanaug sa iyang katungdanan isip Bise Mayor sa dakbayan sa Davao kaniadtong Disyembre 2017, nagpabilin pa gihapon ang pagsalig sa publiko kang kanhi Vice Mayor Mayor Paolo Duterte.
Subay sa survey nga gipahigayon sa University of Mindanao – Institute of Popular Opinion (UM-IPO), 58 porsyento o 696 gikan sa 1,200 ka mga respondent ang nagpahayag nga pabilin ang ilang pagsalig sa batang Duterte.
Matud pa kang UM-IPO director for quantitative studies Dr. Adrian Tamayo, gipahigayon nila ang survey atol sa nahimong desisyon ni Pulong nga mo-resign human ang isyu sa P6.5 billion drug shipment sa Bureau of Customs (BOC) ug ang away nila sa iyang anak sa social media.
Gikanayong taas pa gihapon ang ihap sa mga mituo kang Pulong samtang 42 percent ang nawad-an sa ilang pagsalig.
Nagpasabot sumala pa kini nga napabilin sa nahisgutan ang political capital bisan nga wala na kini nakita sa publiko.
