DAVAO CITY – Gumikan sa nagpadayon nga pagsaka sa tipdas dinhi sa dakbayan, nakadesisyon ang ahensiya sa City Health Office sa siyudad nga lugwayan pa ang Outbreak Response Immunization (ORI) hangtud Pebrero 17.
Kahinumduman nga miabot na sa 15 ang namatay sa tipdas sa bulan sa Enero o mas taas kung itandi sa Enero 23, 2017.
Una ng gibutyag ni CHO Officer Dr. Josephine Villafuerte nga nakatala sila ug namatay nga mga pasyente sa Barangay 23-C, Matina, ug Toril.
Sa kasamtangan misaka na sab sumala pa ang kaso sa mga suspected cases sa tipdas diin gikan sa 299 miabot na kini sa 312.
Samtang nakapahigayon na sumala pa karon ang ahensiya ug kapin 100,000 nga ORI sukad niadtong Pebrero 9, 2017.
Apan luyo niini, nagpadayon sumala pa ang ilang “interventions” sa “outbreak” sa pagpanghatag ug Vitamin A aron nga makapadugang og resistensiya ug padayon nga immunization sa health centers alang sa mga wala nakapahimulos sa bakuna.
