DAVAO CITY – Gibutyag sa Municipal Trial Court in Cities-Office of the Clerk of Court (MTCC-OCC) Branch 7 nga sagad sumala pa sa anti-smoking ordinance cases sa milabay nga 2017 ang na-dismiss.
Subay sa data gikan sa buhatan, naka-dispose ang korte ug 1,907 sa 2,751 ka kaso sa anti-smoking ordinance.
Nakadawat sumala pa ang korte ug 844 cases nga ipailalom sa pagdungog kaniadtong milabay nga tuig.
Matud pa kang Court presiding Judge Rufino Ferraris Jr. Sagad sa mga kaso ang dili mahinayon gumikan kay sagad sa mga kapulisan napakyas sa pag-tagad sa kaso sa dili pa kini makaabot sa korte.
Dugang ni Ferraris nga daghanang smoking violation cases ang wala nakaapbot sa korte gumikan kay dyutay lamang ang naatiman sa kapulisan gumikan sa kawad-on ug impormasyon gikan sa akusado.
Sagad matud pa nga mabasura ang kaso sa nga nakalapas sa anti-smoking ordinance gumikan kay pipila sa mga akusado ang migamit ug peke nga pangalan, dili kompleto nga pangalan ug peke nga address.
Gitambagan karon sa korte ang otoridad nga kinahanglan kuhaon niini ang kompleto nga detalye sa akusado aron nga masolusyonan ang maong problema.
Kahinumduman nga adunay kapili-an ang mga violators nga gilangkuban sa boluntaryo nga pagbayad sa P500 nga penalty o mopailalom sa smoking cessation counseling.
Apan kung pakyas nga motamud sa nahisgutan nga silot, mamahimong pasakahan na kini ug kaso sa korte.
