Taxi Driver nga ginasundog ang tingog ni Pangulong Duterte, wala magtoo nga mag viral sa social media

Davao City – Gi-angkon sa Taxi driver nga si Elshas Bugsad nga nag-trending karon sa social media gumikan kay kapareha niini ug tingog si Pangulong Rodrigo Duterte nga duha ka tuig na niya nga ginasundog ang tingog sa Pangulo.

Una nang naila ang Taxi driver nga si Elshas Bugsad human gi-upload sa netizen nga si Rachel Dequina ang vedio niini samtang ginakopya ang mga pamulong ni Pangulong Duterte.

Sumala pa kang Elshas nga sukad pa kaniadto gi-idolo na niini si Duterte ug nasundog niini ang pangulo gumikan sa kanunay nga pagpaminaw sa pangulo. Ginahimo niya kini nga panglingaw sa iyang mga pasahero.