DAVAO CITY – Mibati na ug kabalaka ang mga residente sa Purok 26, Camarin, Maa, Riverside, ning dakbayan sa Davao gumikan sa bahad sa demolition team nga gituohang sinugo sa pamilyang Limso nga mao ang nanag-iya sa luna sa yuta.
Mihangyo sila nga unta dunay mga police nga ipahimutang sa kabalaka nga subling mosamok ang mga armado pag-abot sa kagabhi-on o kaha ugma sa kaadlawon aron nga tiwason sa pagbongkag ang ilang mga kabalaka. Sumala pa kang Marites Lapis, usa sa mga residente sa dapit nga dili sila bout ug kasamok.
Gi-angkon sa mga residente nga ang luna nga ilang gipoy-an ¼ sa 42 ektaryas nga luna sa yuta nga iya sa mga Limso.
Kaniadto gitinguha na sila nga i-relocate apan ang lugar nga gibutangan kanila problemado sab.
Gikasohan sila sa mga Limso, apan sa dihang ilang gisuklan, duha ka hearing nga wala kini motambong, bisan ang ilang mga abogado.
Nagtuo ang mga residente nga migamit na ug patraydor nga paagi ang pamilya, kinsa wala na mo-atubang sa kaso nga giduso sa mismong nanag-iya sa yuta.
Gi-angkon ni Marites nga mi-abot sila sa dapit niadtong 1980 ug mitamod sa mga sumbanan nga gipatuman sa pamilya.
