DAVAO CITY – Gidasig sa Department of Labor and Employment (DOLE) XI ang mga empleyado sa nasunog nga New City Commercial Center (NCCC) Mall nga mopatim-aw sa ilang buhatan aron nga matabangan sa pagpangita ug trabaho.
Sumala pa kang Labor Undersecretary Joel Maglungsod sa ilang monitoring mo-abot ngadto sa 2,900 ang mga empleyado nga nawad-an ug trabaho gumikan sa sunog, labi na ang mga direkta nga mga empleyado, SSI Employees, lakip na ang manpower employees, ug security agencies.
Gipasalig ni Maglungsod nga duna sila’y emergency employment program ug duna’y dakung pundo nga gigahin niini ang DOLE.
Malaumon ang ahensya nga karong semanaha mahuman na ang imbestigasyon sa NCCC mall, aron nga mapadayag sa ilang exit conference ug mahatag sa ahensya ang ilang rekomendasyon.
